Lumberyard е нов енџин за видеоигри базиран на CryEngine, а креиран од Amazon. Развивачите на видеоигри со него ќе можат да прават игри за PC и конзоли, а со оглед на тоа дека Amazon, кој барем временски прилично доцни зад другите енџини Unity и Unreal, се одлучија да ги привлечат корисниците нудејќи го Lumberyard потполно бесплатно.
Иако со последните новитети бесплатни се и Unity 3D и Unreal Engine, сепак Lumberyard доаѓа без никаков трошок, ниту купување на енџинот, ниту претплата, ниту процент од заработката. Корисниците ќе треба да платат единствено ако ја користат интеграцијата со Amazon Web Services. Енџинот е 10GB, а дополнително корисниците можат да преземат неколку бесплатни прекреирани асети (Beach City Asset Package и Beach City Asset Package) кои ќе го олеснат креирањето на првата игра. Покрај цената, предност на Lumberyard е интеграцијата со Twitch, која на девелоперите им овозможува да вметнат можност со која, твичерите ќе можат да им понудат на гледачите да им се приклучат во играњето.
