Kniga.mk е бесплатна македонска Android апликација од CodeWell, наменета за сите љубители на читањето. Станува збор за помошна апликација на книжарницата на издавачкиот центар Три. Kniga.mk, овозможува е-книгите од издавачот Три, да ги земете секаде со вас.
Апликацијата е постара, но доколку уште не сте го искористиле одморот, а сакате да читате на плажа тогаш Kniga.mk може да ви помогне во решавање на многу проблеми.
Корисноста зависи пред сѐ од бројот на е-книги кои ги имате од овој издавач. Сервисот се синхронизира со продавницата, па со купување на книгите веднаш се достапни и на телефонот или таблет компјутерот.
Можеби единствениот недостаток на апликацијата е со фонтот. Дел од буквите недостасуваа, и тоа покрај карактеристичните, пример „Џ“, недостасува и „Ј“. Описот на апликацијата вели дека корисникот може и самиот да го промени фонтот, но за жал не успеавме да го пронјадеме од подесувањата.
Освен овој проблем, апликацијата е всушност добра. Доаѓа со можности за: едноставно купување на книги; нивно едноставно додавање на уредот; и промена на екраност за ноќно читање.
