По 12 години и 150 милиони продадени уреди, Sony ќе престане да ја произведува популарната PlayStation 2 конзола, јавува BBC. Најавата од Sony се однесува да продавниците во Јапониja, а откако ќе се потрошат залихите, ќе биде и крајот на PlayStation 2 за островот. Засега е нејасно дали предупредувањето важи и за останатите региони, иако тешко е да се претпостави дека продажбата во САД и Европа ќе продолжи.
Конзолата излезе во времето кога Sony, имаа целосна доминација на пазарот, а популарноста ја докажа и во првите три години на PlayStation 3 кога сè уште ги надминуваше во продажбите следбеникот. PlayStation 2 успешно се споротивставуваше и на Nintendo: GameCube, Sega: DreamCast и Xbox.
Популарноста на конзолата предизвика дизајнерите за видео игри да издадат 11.000 игри за неа и продажба од над 1,5 милијарди продадени копии на видео игри. Најпродавана игра со 17,33 милиони продадени примероци е Grand Theft Auto: San Andreas, а во првите 10 се Gran Turismo, Metal Gear Solid и Final Fantasy „серијалите“.
Најавата за нова конзола PlayStation 4 се превидуваат за средината на 2013, што коинцидира и со E3 каде вообичаено се претставуваат конзолите.
