Пет затвореници од затворот во Охајо, составија два компјутери, ги скрија во плафонот, и ги поврзаа на затворската мрежа. Деловите за компјутерите, затворениците ги собрале од затворската наставата за електроника и компјутери. Деловите се од компјутери кои требале да бидат расклопени и рециклирани. Наместо тоа, тие дел по дел креираале сопствени компјутери.
Компјутерите функционирале околу четири месеци пред да бидат откриени. Најверојатно затворениците и денес би можеле да го користат пристапот до интернет доколку не претерале со употребата. Тие користеле профил на еден од чуварите на затворот. ИТ одделот на затворот ги открил, бидејќи профилот коj го користеле се логирал и во деновите во кои чуварот не е на работа.
Од затворот, двајцата затвореници уште неколку пати го прекршиле законот. Извршиле измама со кредитни картички и кражба на идентитет, јави Ars Technica. На хард-дисковите на компјутерите се пронајдени: порнографија, Windows proxy сервер, VPN, VOIP, антивирус, Tor-прелистувач, спам алатки и алатка за анализа на податочни пакети.
Петмината затвореници се прераспределени во различни затвори. Властите во Охајо ја потврдија веста и изјавија дека преземаат дополнителни чекори за поголема безбедност.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
