Blockai e алатка која се обидува да им помогне на фотографите и уметниците, поедноставно да ги заштитат своите дела. Идејата е да им овозможи на корисниците да ги заштитат сликите и фотографиите без премногу бирократија. Корисниците сега преку поедноставна твитер интеграција, можат да реагираат кога некој бесправно ги користи нивните дела.
Технологијата зад Blockai е иста како зад bitcoin – blockchain. Јавна база на податоци која покажува дека првиот внесен во блокот е автор. Ако некој ја користи сликата без дозвола, сопственикот може едноставно да им испрати копија на сертификатот.
„Не веруваме дека уметниците седат на Blockai цел ден. Затоа сакавме да интегрираме поедноставни алатки, а започнуваме со Twitter. Едноставно твитнете ја сликата која сакате да ја регистрирате на хаштагот #blockai и сликата автоматски ќе биде внесена.“, вели директорот на Blockai, Нејтан Лендс за TechCrunch.
Сервисот е бесплатен за користење за уметниците, а ќе се финансира од медиумите и сите заинтересирани, кои ќе го купуваат сликите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
