Интернационалната е-Спорт Федерација IeSF се одлучи турнирот во Баку, Азербејџан, да гo подели на машки и женски дел, и тоа без можност за некаков комбиниран натпревар. На вака смислениот турнир мажите би се натпреварувале во DoTA 2, StarCraft 2, Hearthstone и Ultra Street Fighter IV, а девојките во StarCraft 2 и Tekken Tag Tournament 2.
Оваа одлука секако дека не помина незабележано од гејминг заедницата. Дискусијата започна на Reddit за еден од квалификациските турнири кои треба да се одржи во Финска, а се прели и на друштвените медиуми. Поради притисокот од играчите и фановите на гејмингот, IeSF мораше да објасни првин дека ги дели натпреварите заради популаризација на е-Спортот кај девојките. Според првичното објаснување „Одлуката да ги поделиме натпреварите на машки и женски е направена во согласност со меѓународните спортски правила, како дел од напорите да се промовира е-Спортот како легитимен спорт“.
Но, гејмингот не е спорт како и другите, па за среќа IeSF ја послуша гејминг заеднициата и ја промени својата одлука. Од сега натпреварите ќе се одржуваат во две категории, првата категорија ќе биде „отворена за сите“; а во втората група ќе можат да учествуваат единствено девојки. Ексклузивни видеоигри во кои ќе се натпреваруваат девојки се најавени за Starcraft 2 и Tekken Tag Tournament 2.
„IeSF ја послуша гејминг јавноста и го разгледа нивното мислење. Откако ги слушнавме нивните размислувања, организиравме итна седница на IeSF“, еве ја одлуката од оваа средба: „… IeSF натпреварот ќе има две категории -натпревари отворени за сите- и натпревари наменети единствено за девојките. Најавите кои беа најавени како машки сега ќе бидат отворени за сите,а натпреаврите за девојките остануваат како што се“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
