Archives.org повторно ја прошири својата архива. Овој пат тоа го направи со првите видеоигри на Macintosh. Rogue, Colossal Cave Adveture, Dark Castle, Froger и куп други игри сега се достапни за онлајн забава.
Она што секако веднаш ќе го забележите е драстично помалиот број на игри тука, отколку во MS-DOS архивата, вели Motherboard. Иако не сте биле сопственик на Macintosh, игрите се легендарни. Поради ова најверојатно поголем дел од игрите се издадени на куп платформи. Macintosh е една од платформите, но некои од игрите ќе ги препознаете и од Amiga, Commodore, десктоп или конзоли и флипери.
Игрите се додадени во софтвер архивата на Mac, и ако имате слободно време може да се потсетите на минатото или по прв пат да ги изиграте. За жал, станува збор за архива, па перформансите на игрите не се идеални.
