Израелскиор медицински стартап Zebra Medical Vision презентираше услуга која на корисниците ќе им овозможи пристап до вештачката интелигенција.
Корисниците за 1 долар ќе можат да ги испратат резултатите од прегледите и да добијат преглед од вештачката интелигенција, јави Engadget.
Вештачката интелигенција може да прегледа и дијагностицира резултати од магнетна резонанца и компјутерска томографија. Потоа може да детектира болести на белите дробови, срцето и коските. Овие резултати потоа одат на контрола кај радиолог кој ќе советува соодветен третман.
Во моментов може да детектираат 11 различни болести, а до крајот на 2017 година ќе бидат додадени уште 6. Засега ова не е голема бројка, но секако е показател во која насока ќе се движи здравствената заштита во иднина.
https://youtu.be/0PGgCpXa-Fs
Вештачката интелигенција може многу побрзо и барем подеднакво точно да дијагностицира неколку болести. Во иднина секако вештачката интелигенција ќе станува, подобра и подобра што ќе им остави повеќе време на лекарите за пациентите.
Според најавите, технологијата на Zebra-Med ќе биде достапна и во државите во развој. Ова би можело да овозможува значително подобра здравствена заштита во иднина.
