YouTube воведе претплата на мал број од своите канали, со цел да го промени начинот на кој Google и партнерите ќе прават пари, бидејќи досега приходите доаѓаа само од рекламите. Засега има само мал број канали со претплата, но ако проектот се покаже како успешен, тогаш бројот на вакви канали ќе порасне.
„Започувајќи од денес ќе нудиме пилот проект, мала група на партнери ќе понуди канали со претплата на YouТube за 99 центи месечно. Секој канал ќе има 14 дена тест период и попуст за годишна претплата.“, вели сервисот.
За почеток во пилот проектот ќе бидат вклучени 53 канали, а дел од каналите ќе имаат проширена содржина, па на пример детската серија Sesame Street на својот канал ќе емитува цели епизоди, а каналот на UFC ќе нуди цели борби. Листата на канали со претплата може да ја разгледате тука.
Се поизвесно е дека покрај весниците, и телевизиите ќе мора да го прилагодат својот начин на работа за онлајн светот. Netflix, Hulu, Amazon и Google почнуваат да навлегуваат во телевизискиот простор, најверојатно помалите локални телевизии ќе бидат првите кој ќе го осетат новиот медиумски бран. Со целосното влегување на Google во телевизискиот простор, традиционалните телевизии ќе мора да размислат за префрлање и во интернет просторот.
Во моментов ниеден од каналите не е достапен во Македонија, па македонските гледачи можат да и останат верни на традиционалната телевизија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
