YouTube не е одговорен за авторски права на содржина која ја качуваат корисниците

во ИТ.ЕУ

Google успеа да извојува мала, но важна победа пред Европскиот суд на правдата. Google и останатите онлајн платформи не се одговорни за содржината која нивните корисници ја поставуваат на платформите. Исклучок на ова е ако платформите не преземале брза акција за да ја отстранат или блокираат оваа содржина.

Одлуката на судот доаѓа во спор стар повеќе од 10 години. Германскиот музички продуцент Френк Питерсон ги тужеше YouTube и Google за содржина која корисниците ја објавиле на платформата, а за која тој ги поседува авторските права.

Во друг неповрзан спор издавачите Elsevier го тужеа хостинг сервисот Cyando бидејќи во 2013 дозволил да бидат „качени“ содржини за кои поседуваат авторски права без нивна дозвола. Германскиот суд пред кој беше започнат спорот побара појаснување од Европскиот суд на правдата. Судот оваа недела донесе одлука за двата случаи, пренесе Reuters.

„Според сегашната состојба, операторите на онлајн платформи самите не споделуваат до јавноста кога содржина заштитена со авторски права е нелегално објавена од корисниците на овие платформи“, се вели во одлуката на судот.

Судовите во Европската Унија сега ќе можат да ја користат одлуката од овие случаи во споровите во своите држави. Ова секако ќе се промени кога државите ќе ги донесат промените со „Законот за дигитални сервиси“ (Digital Services Act). Со овие предлог промени на законите за онлајн платформи, од големите платформите како Facebook, YouTube, TikTok се бара да имаат филтри кои ќе препознаваат кога содржината која некој сака да ја објави ги нарушува авторските права и автоматски да ја блокираат содржината.

Добивај известувања
Извести ме за
guest
0 Коментари
Inline Feedbacks
View all comments

ит кариера

Matrix IT Global Services Macedonia

BI Developer

Тесла Електроник Компани

Веб дизајнер плус Маркетинг.

Personal Programmer

Full Stack Java Developer

види ги сите огласи на kariera.it.mk