Microsoft сè уште ја тестира 8.1 надградбата на Windows Phone, но на интернет веќе постојат парцијални фотографии од изгледот на почетниот екран на телефонот. Доколку е точна, фотографијата ги потврдува неодамнешните тврдења дека Microsoft работи на уред кој нема да има физички копчиња. Решението е сите копчиња да бидат префрлени на дисплејот.
Отстранувањето на физичките копчиња ќе ја намали цената на телефоните, но и ќе им овозможи на производителите на телефони да креираат исти уреди за Android и Windows Phone, констатира Verge. Освен ова компанијата размислува да понуди бесплатна верзија на оперативниот систем за таблет компјутери и паметни телефони, со што дополнително ќе се намали цената на Windows уредите. Засега станува збор за шпекулации, a Microsoft ја закажа својата конференција за почетокот на април 2014 година, кога ќе објави повеќе детали за асистентот „Cortana“, надградбата на Skype и повеќе промени на интерфејсот.
