Во текот на изминатите 11 години, Web Factory како една од најуспешните македонски ИТ компании, успешно ја подобрува ефикасноста и ефективноста на своите клиенти ширум светот, во Јапонија, САД, Велика Британија и ширум Европа. Тие играат клучна улога за бизниси низ целиот свет како партнер за софтверски решенија.

Пред неколку денови, тие објавија дека нивната работа и искуство кое го стекнаа низ годините, ги доведе до нивното најново интернационално партнерство:

Web Factory станува официјален партнер и инвеститор во AkoniHub London [иновативна и наградувана Fintech компанија].

Преку блиската соработка со Акони како нивен партнер за софтверски решенија во последните 3 години, тие го увиделе потенцијалот и загарантираниот успех и раст на овој иновативен и признаен Fintech продукт.

Ние силно веруваме во нашите клиенти, партнери и нивните иновативни решенија и со нашата експертиза им помагаме во развојот. Нашата инвестиција во бизнисот на Акони ја истакнува нашата доверба во нивниот иден успех.

Зошто е важно да инвестирате во производите на вашиот клиент?

Ние веруваме дека фокусирањето на целата наша енергија и напори да ја направиме нашата компанија успешна, едноставно не е доволно. Со цел да создадеме иновации и да направиме разлика во дигиталниот свет, ние веруваме дека како компанија, подеднакво е важно да придонесеме за развој, раст и одржливост на нашите клиенти и нивните бизниси.

Зошто инвестиравме во Акони?

Оваа инвестиција дојде природно и ја препознавме како можност за нашата ИТ компанија. Исто како и планот за раст на нашата компанија: стабилен, паметен и планиран, ние секогаш го земаме предвид тимот што стои зад бизнисот и ги разгледуваме нивните можности, како и нивната мотивација да лансираат производ на глобален пазар. Слично на стратегијата на нашата компанија, ние првенствено инвестираме во луѓе а понатаму и во нивните идеи.

Кога за прв пат се сретнавме со сопствениците на Акони, разговаравме за потенцијална соработка и веднаш ја препознавме нивната страст, долгогодишно искуство, познавање на индустријата и нивниот енормен ентузијазам да направат разлика во Fintech светот во Велика Британија. Најпрвин им беше потребен мал, но сигурен ИТ тим кој ќе биде вграден во нивниот тим и ќе им помогне да ги исполнат сите деловни цели. Тие ги препознаа квалитетниот тим, културата на компанијата и заклучија дека им одговараме многу.

Акони, заедно со тимот на Web Factory, фундаментално го менува начинот на деловното банкарство во Велика Британија и овозможува дигитални финансиски услуги, користејќи податоци за да создаде персонализирано и прилагодено искуство за финансиски советници, мали и средни претпријатија.

Што е Акони?

Промена на начинот на управување со готовина Акони

Досега, тие беа избрани меѓу 12 победнички Fintech компании за да ја унапредат иднината на банкарството за МСП во Велика Британија. Како иновативна компанија, тие се признати и наградени од BBVA, Forbes, Nesta, Fintech Influencers и многу други.

Заедно со Акони, сигурни сме дека Отвореното банкарство и Отворените податоци го унапредуваат модерното менаџирање со финансии, ги персонализираат и демократизираат финансиските услуги за сите.

Со нетрпение очекуваме да го видиме идниот успех на развојот и растот на платформата во светот на Fintech, на глобално ниво. Силно веруваме дека Акони може да постигне неверојатен успех во светот на Fintech и ќе продолжиме да им помагаме и да ги поддржуваме да постигнат многу повеќе.