Оваа сабота се одбележува Меѓународниот ден на друштвените игри. Веќе традиционално, неколку години овие настани ги организираат Гоблин друштвени игри и Boardgames.mk. Разлика од претходните години е локацијата, па оваа година настанот ќе се одржи во Јавна соба.
Официјално отворањето е од 13:00 часот и ќе трае до 23:00 часот. Вообичаено секој заинтересиран може да ја донесе својата омилена игра. Ако немате таква, сѐ што е потребно е дружељубивост и волја. Вообичаено има доволно игри на кои може да се приклучите, а луѓето се дружељубиви.
Добра вест за сите кои сакаат да ја ѕирнат Rise to Nobility е дека Final Frontier Games ќе се приклучат во сабота. Ќе има можност и за тестирање и играње на играта пред да излезе, но и пред да заврши кампањата. Најверојатно ќе има можност и за играње на другите македонски игри, но и на некои од игрите за кој артот е дело на Тхе Мичо.
Со оглед на тоа дека викендот кој следи е продолжен, посетата на Јавна соба и поминување на едно претпладне во дружење можеби е најпаметното нешто што може да го направите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
