Надополнето: 25 јули @ 12:10 часот, 2019
Во меѓувреме, VideoLAN реши да ги засука ракавите и да ја искорити сета ограничувачка моќ на Твитер за да објасни дека нивниот плеер не е во ранлива состојба како што пренесуваат медиумите.
„За безбедносниот проблем“ за VLC: VLC не е во ранлива состојба, проблемот се однесува на libebml, проблематична библиотека од трети лица која беше исправена уште пред 16 месеци. Тврдењето на MITREcorp е неосновано.“
По сѐ изгледа, MITREcorp го темелеле нивното тврдење на застарена верзија на VLC. Доколку ја имате најновата верзија на овој плеер, односно 3.0.7.1. тогаш нема потреба од паника и бришење на апликацијата.
About the “security issue” on #VLC : VLC is not vulnerable.
tl;dr: the issue is in a 3rd party library, called libebml, which was fixed more than 16 months ago.
VLC since version 3.0.3 has the correct version shipped, and @MITREcorp did not even check their claim.Thread:
— VideoLAN (@videolan) July 24, 2019
Со години, VLC Media Player е една од најдобрите алатки за репродукција на видео содржини. За жал, она што во моментот се препорачува за еден од омилените алатки на филмоманите е инстантна деинсталација.
Германската безбедносна агенција CERT-Bund пронајде загрижувачка безбедносна ранливост која, доколку се искористи од хакерите, може да ја изгубите контролата врз вашиот компјутер и, без ваше знаење, да се инсталираат, покренуваат и модифицираат најразлични работи низ оперативниот систем. CERT-Bund ја оцени критичната ранливост со 9.8 (10 е највисоката оценка на скалата). Критичната дупка е реална закана за сите оние кои имаат инсталирано VLC Media Player на сите Windows, Linux, и Unix оперативните системи, но не и на macOS верзиите.
Компанијата зад плеерот, VideoLAN работи на закрпа која ќе спречи сите понатамошни напори за RCE (Remote code execution) – тактиката која се користи од хакерите – но, според извештајот од Gizmodo, закрпата е само 60% комплетирана и ќе им треба уште време за дополнително усовршување. Она што се препорачува е инстантно бришење на апликацијата, барем се додека не излезе закрпа која ефикасно ги врзува рацете на хакерите.
Она што се препорачува е користење некои други алтернативни видео плеери. Techspot препорачува 28 алтернативи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Ами за Андроид шу праиме?