Vip ќе биде помеѓу првите телеком оператори во регионот кој на своите корисници ќе им понуди Voice over LTE (VoLTE) и Voice over Wifi (VoWifi) услуга, ветија од компанијата. Услуга од VIP е решение на Мавенир, а компанијата ги демонстрираше гласовната комуникација во комбинација на 4G и виртуелизација на мрежна технологија.
Технологијата во суштина е овозможување на говорни повици преку интернет, односно преку брзите 4G и WiFi мрежи наместо мобилните мрежи. Бидејќи 4G е релативно брза мрежа која пренесува голем број податоци, ќе значи дека има подобар квалитет на звукот, и повиците ќе се поврзуваат побрзо.
„На презентацијата беше покажано дека во наредните години корисниците ќе добиваат услуги кои се засновани на виртуелизирана и скалабилна технологија, со што ќе се овозможи целосна искористеност на потенцијалот на корисничките уреди и мрежните капацитети обезбедувајќи притоа унифицирано и оптимално искуство“.
Новата технологија е поглед кон идината и мрежи кои истовремени треба да бидат мулти-функционални, скалабилни и униформни. Ова ќе овозможи во иднина целосно да се искористи потенцијалот на уредите, паметни телефони или таблет компјутери, но и на мержните капацитети на компанијата.
Vip оператор најави и дека ја проширува покриеноста на својата 4G мрежата за да ги опфати Скопје, Куманово, Штип, Охрид, Струмица, Битола, Прилеп, Тетово, Гостивар, Велес, Кавадарци, Кочани и Струга.
[youtube]ujWyQ88lGno[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
A1 Македонија 
