Европската Унија го насочи своето внимание кон Valve. Најголемата дигитална продавница за видеоигри е цел на разгледување поради гео-блокада на некои од игрите. Ова не е во согласност со законите за единствен дигитален пазар, па затоа Унијата ќе истражува.
Гео-блокирањето на насловите е во спротивност со правилата на Европската Унија. Поради ова Комисијата против монопол, ќе ја разгледа работата на Valve.
Valve не е единствена компанија под истрага: Bandai Namco; Capcom; Focus Home; Koch Media и ZeniMax, се под лупа заедно со нив. По завршувањето на истрагата, комисијата ќе одлучи дали ограничувањето на пристап и формирањето на цена по локација е дозволиво.
„Истрагата се фокусира на тоа дали за спогодбата е потребно клучевите за активација да се користат за да се дозволи пристап до некоја игра само во определена членка на Европската Унија. Ова може да биде прекршување на правилата за конкурентност на пазарот на Европската Унија, со намалување на прекуграничната конкуренција, што би овозможило паралелно тргување на единствениот пазар. Со тоа би им било оневозможено на потрошувачите да купат поевтини видеоигри кои можеби се достапни во останатите земји членки.“, објасуваат од Европската Унија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
