Факт е дека немаме премногу боречки игри и дека поголемиот дел од фановите на овој жанр утеха бараат или во Street Fighter или Мortal Kombat серијалите. Тука и таму, ќе се појават неколку вонсериски боречки игри, но обично не се доволно впечатливи да го окупираат вниманието на играчите, барем на подолго време.
Under Night in Birth II Sys: Celes е дводимензионална боречка игра која има огромен потенцијал. Со 25 уникатни играчи и импресивен визуелен стил, чедото на FRENCH-BREAD и Arc System Works се заканува да се најде исклучително високо на листата со боречки игри, па дури и да се истакне како еден од ултимативните шампиони.
Under Night in Birth II Sys: Celes се одликува со бројни режими, но навистина сјае при PvP пресметки. Сите ликови се уникатни, со различни движења, оружја, способности. Паралелно со ова, на ликовите им се позајмуваат гласови од квалитетни актери, со што се зголемува нивото на имерзивноста.
Нема да бидете разочарани ни доколку ја играте играта во соло режимот. На располагање имате кампањи кои се уникатни за секој лик, со кратки воведи во едноставна приказна и уште пократки дијалози. Фокусот дефинитивно не е на приказната, но, ете, ја има доколку сакате малку подобро да се запознаете со ликовите и да бидете свесни за одредена позадина кога се борите во pvp.
Многумина гејмери не се преголеми фанови на боречки игри бидејќи се бара изведување комбо движења кои треба да се учат на памет па потоа координирано да се изведуваат, нешто што бараа и брзи рефлекси. Under Night in Birth II Sys: Celes се одликува со едноставни команди кои ќе им дозволат и на обични почетници лесно да направат спектакуларни потези.
Under Night in Birth II Sys: Celes е солидна боречка игра кое може да понуди часови и часови забава, дури и да не сте добри со вакви игри. Доколку ја купите играта пред крајот на март, бесплатно ја добивате сезонската пропусница, во која се вклучени три нови борци.
Повеќе детали за играта
- Произведува: FRENCH-BREAD
- Издава: Arc System Works
- Жанр: 2D боречка игра
- Платформа: Microsoft Windows, конзоли
- Излезе на: 25 јануари 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Tesseract Interactive 
DARK-1 
