#УчиОдДома Платформата JetMinds бесплатно достапна за сите

Avatar img-thumbnail img-circle

во feature, Вести

Бројот на заразени со Ковид-19 сè уште расте и барем засега мерките за кризна состојба продолжуваат и се заоструваат. Ова секако значи дека основците и средношколците не одат на училиште и едукацијата е во застој. Дел од институциите веќе бараат начин да го продолжат образовниот процес.

За да им излезе во пресрет на учениците и наставниците македонската компанија Sigmoid Group ја отвори платформата за едукација JetMinds за сите. До крајот на овој месец учениците од основните и средните училишта можат бесплатно да ја користат за учење.

JetMinds е производ на Sigmoid Group кој е поддржан и од Фондот за иновации и технолошки развој. Платформата овозможува бесплатно учење на мајчин јазик и по програма која го следи официјалниот образовен модел. Материјата е направена од врвни експерти (вклучително универзитетски професори) од секоја област.

Воедно, материјата на JetMinds е прикажана со илустративни примери од секојдневнието, со цел учениците да ја разберат суштината на проблемите кои ги изучуваат, а не само да учат напамет.

JetMinds има бесплатен и премиум дел, но во овој случај креаторите на платформата го отворија премиум моделот за сите. Сите заинтересирани можат да ја посетат JetMinds.org.

Платформата ја следи официјалната програма и е направена од врвни експерти – вклучително доктори на науки од ПМФ, инженери од ФИНКИ, како и соодветни кадри од други институции. Во моментот, продуктот е достапен на македонски јазик и го опфаќа предметот математика за основно и дел од средното образование, велат од Sigmoid Group.

Добивај известувања
Извести ме за
guest
0 Коментари
Inline Feedbacks
View all comments

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе
види ги сите огласи на kariera.it.mk