Deutsch Hören und Lesen е Android, односно iOS апликација која ви дозволува бесплатно да учите германски јазик преку слушање и читање приказни. Од она што го забележавме, приказните се сервираат според вашето претходно познавање на јазикот, а по секоја приказна стапува на сила мини квиз со прашања поврзани со текстот, иако, мора да признаеме дека потребна е една солидна основа за понатамошна надградба со оваа апликација.
За секоја приказна можете да ја прилагодувате брзината со која се испорачува нарацијата, а имате на располагање и ноќен режим. Целата содржината која се прикажува во апликацијата е прикачена на интернет, и има додатна можност за зачувување на саканата содржина на вашиот телефон, но за истото морате првин да се регистрирате.
Deutsch Hören und Lesen е македонски продукт зад кој стои информатичарот Живко Герасимов. Со Живко веќе стапивме во контакт и му подготвивме неколку прашања поврзани за неговата апликација. Додека го чекате нашето интервју, искористете го времето пред вас и проверете ја Deutsch Hören und Lesen за да ги подобрите вашите вештини со овој јазик!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] кој стои зад корисната апликација за учење германски, Deutsch Hören und Lesen, мора да размислувал на оваа прашање, затоа што веќе […]