Ubuntu мобилниот оперативен систем е една од поактуелните теми деновиве, која станува поинтересна ако се види и кој SDK (Software Development Kit) ќе го користат развивачите за своите апликации.
Со можноста да се развиваат апликации во HTML5, SDK-то им нуди на развивачите да користат Qt крос-платформна алатка за развој на апликации. Ова е одлично за развивачите кои ќе имаат целосна слобода во развојот, бидејќи Qt апликациите не се засновани на средниот слој (како Java VM на Android).
Исто така, и дизајнерите ќе имаат голема слобода за дизајн на корисничкиот интерфејс со помош на QML или попознат како QtQuick, кој всушност е JSON декларативен јазик кој овозможува дизајнирање на модерно корисничко искуство.
Документацијата за Qt 5 можете да ја прочитате овде, темите за дизајнирање на кориснички интерфејси се достапни овде, а доколку сакате да учите преку видеа можете да го посетите http://qt.digia.com/qt5. Повеќе за како да започнете со развојот на вашата прва апликација, можете да прочитате на веб-сајтот на Ubuntu – Go Mobile.
