Сега, Twitter корисниците, користејќи го Twitter.com или пак мобилната верзија mobile.twitter.com преку сервисот наречен Twitter Places ќе можат да ја споделат својата локација со подетален опис за местото (дали е ресторан, стадион и сл.). Имплементацијата со останатите два популарни локациски сервиси претставува навистина добра интеграција и соработка.
Интересна е и идејата за обединување на корисниците преку тоа што кога ќе кликнете на самата локација на некој твит, Twitter ќе ви ги покаже и останатите твитови објавени од другите корисници од и околу местото. Деталните гео-локациски информации ќе бидат достапни и преку API-то на Twitter со што може да очекуваме интересни апликации, особено за мобилните платформи.
