Црна Гора и Србија се меѓу првите земји во кои ќе се продава „првиот бран“ на Firefox OS телефони, откри Mozilla во соопштение во кое ги претстави сите своите партнери кои ќе и помогнат да ја пласира „прватa Open Web платформа”. Меѓу партнерите се 18 оператори од разни делови на светот каде ќе се продаваат Firefox OS телефони кои ќе бидат произведени од Alcatel, Huawei, LG и ZTE. Уредите ќе работат на процесорите на Qualcomm кој е уште еден партнер.
Mozillа вели дека ќе го стартува Firefox OS во земјите во развој и Источна Европа, односно во земјите со помалку развиен мобилен екосистем каде луѓето повеќе ценат поевтин уред, отколку супериорни перформанси.
Овој нов мобилен оперативен систем е базиран на HTML5, што според, Mozilla, им дава предност пред Android и iOS бидејќи може да „прави различни работи“. Благодарение на HTML5 преку уредот ќе може да се пребарува Вебот, и креирањето на апликациите ќе биде далеку полесно. За да го развие Marketplace, Мozilla веќе стапи во договор да објави популарни апликации како Cut The Rope, Twitter, EA Games, Facebook, Аirbnb и други. Но, на Mozilla ќе и треба многу, многу поголема помош ако сака да ги стигне Google Play и Apple App Store кои надминуваат над 800.000 апликации.
