Цеца Ражнатовиќ отвори Twitter профил, иако и е забрането да комуницира јавно

Се случи и тоа. На It.com.mk ќе пишуваме за Цеца. Жал ни е.

Иако претходно сме се шегувале со турбо фолк ѕведите и нивните песни за друштвените мрежи, овојпат се работи за интересна драма која се случува во Србија, и која е поврзана со застарени закони и напредните комуникациски алатки.

Добро-познатата-на-сите Цеца Ражнатовиќ е казнета со домашен притвор и 1,5 милиони долари поради финансиски маловерзации со трансфери на фудбалери од фудбалскиот клуб Обилиќ. Иако властите и забранија на Цеца да комуницира со јавноста, таа отвори Twitter профил преку кој започна да си ги најавува своите идни концерти и да комуницира со фановите.

Изненадувачки, таа не оди против правилата на домашниот притвор. Според српските закони, затворениците мора да ги прашаат властите за да испратат писмо, но тие закони се застарени и не предвидуваат комуникација преку Twitter.

„Ражнатовиќ со отварање профил на Twitter не ги крши правилата на куќниот притвор, бидејќи во правилникот не е наведено дека е забрането да се користи интернет, а ‘тоа што не е забрането е дозволиво’.“, вели криминологот Златко Николиќ за Vesti-Online.com.

Сепак г. Николиќ вели дека можно е властите да ја набљудуваат комуникацијата и да реагираат ако дојде до злоупотреби.

Како што можеби очекувате, Цеца е хит на друштвените мрежи. По три дена таа има над 5.000 следбеници на Twitter, а пред неколку дена на својот Facebook профил надмина 400.000 фанови.

Na FB strani je danas oboren novi rekord – 400.000 clanova. Hvala vam svima. Divni ste. #ceca

— Ceca Raznatovic (@CRaznatovic) February 7, 2012