Хакерската група Guardians of Peace која ја презеде одговорноста врз нападот на Sony поради комедијата The Interview, во која се исмејува лидерот на Северна Кореја, по се изгледа им направи услуга на своите „непријатели“. The Interview успеа да се искачи на прво место по заработката од онлајн стримање со 31 милиони долари и 4,3 милиони купувања или изнајмувања на дигитални копии, јави CNN.
Филмот заработи 15 милиони долари во првите четири дена од 24 до 27 декември и 16 милиони од 28 декември до 4 јануари, објави Sony. За жал ситуацијата со кино проекциите е лоша. Кината се уплашени од заканите дека проекциите ќе резултираат со напади, и затоа до сега од билетите The Interview има заработено само 5 милиони долари. Но уште од сега е јасно дека филмот ќе заработи повеќе од 44 милиони долари, колку што изнесуваше неговиот буџет.
Иако Sony се двоумеше дали да го повлече филмот по заканите на Guardians of Peace, и критиките од Северна Кореја која е обвинета дека стои зад сајбер нападот, се чини дека компанијата направи добар потег. The Interview имаше премиера во ограничен број на независни кино сали, но главно ја привлече публиката преку стримови на популарните YouTube, Microsoft X-box Video Store, Google Play, iTunes, Amazon и PlayStation Network.
[youtube]frsvWVEHowg[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
