Еден од најкорисните уреди претставени на CES оваа година е TestDrop. Минијатурниот уред може да одреди дали некоја вода е добра за пиење или можеби е загадена.
Уредот секако ќе биде покорисен на локации каде до чиста вода се доаѓа потешко. Секако ќе биде корисен и во случај на природни катстрофи, по кои нема чиста вода.
Уредот безконтактно може да оцени дали водата е загаденa, преку анализирање на електрично поле околу водата. Ниту уредот, ниту некој дополнителен дел не се внесува во водата. Чистата вода за пиење различно влијае на електромагнетното поле, а TestDrop може да го детектира ова. Полето е различно без разлика дали има бактерии, метали или е контаминирана од друг извор.
„Уредот е тестиран од независни експерти и навистина функционира. Веднаш детектира и најмали количини на олово и протеини и тоа со 100 процентна точност“, пишува TechCrunch.
Уредот чини 50 долари, што за дел од локациите каде е потребен можеби е и премногу.
