Кабелскиот оператор Телекабел е новиот мобилен оператор. Основачот на компанијата, Роберт Димитров на својот Facebook профил најави дека продажбата на броеви започнува следната недела, од 21 јануари.
Префиксот на новиот оператор е 074, а барем засега се најавени 3 пакети. Пакет 300, 500, 1500 и веројатно претпоставувате тоа е и висината на претплатата која корисникот треба да ја плати секој месец. Во пакетот 300 се вклучени 1 GB интернет и 200 минути бесплатни разговори кон сите мрежи; пакетот 500 има неограничени разговори и 10 GB интернет, а за 1500 денари нема никакви ограничувања. Цената на SMS пораките за секој пакет е 3 денари.
Мобилната телефонија е најавена со стандардната „мантра“ на Телекабел, „Без обврзувачки договор“.
Со ова Телекабел ќе го заокружи телекомуникацискиот сектор. Компанијата нуди кабелска телевизија, интернет и телефонија. Со последното проширување на овие услуги ќе додадат и мобилна телефонија.
Повеќе податоци се достапни на веб-сајтот на Телекабел.
Telekom, ama neznam dali nudi 4G
а чија мрежа ќе ја користат, на Телеком или ВИП?