Пред 100 години, во 1911-та, три мали компании се споија да станат Computing-Tabulating-Recording Company, или тоа што подоцна стана International Business Machines или IBM. Тогаш правеа машини за пишување и часовници за фабрики, а денес роботи кои разбираат прашања и кои со леснотии ги победуваат луѓето.
Watson е суперкомпјутер на IBM кој ги победи човечките наптреварувачи на квизот Jeopardy!. Watson е така дизајниран да може да одговара на прашања кои се поставени на природен јазик. Тоа е многу важно поради многу причини, од кои можеби поважната е дека тоа што нас, луѓето, не одвојува вистински од животинското царство и не прави навистина луѓе е нашето лингвистичко знаење. Од настанувањето на компјутерите, целта од секогаш беше да се создаде софтвер кој разбира и може да комуницира на природен човечки јазик.
