Порано или подоцна, се наоѓате во ситуација каде едноставно не знаете што сакате да направите за јадење. Или пак сакате да пробате нешто ново и невообичаено.
Независно од причината, Supercook е веб сајт кој ви предложува вкусни јадења во зависност од состојките кои ќе ги внесете, односно работите што моментно ги имате дома.
По посетување на веб сајтот, избирате јазик на кој сакате да ги внесете состојките, а да ги добиете понудените рецепти. Доколку англискиот не ви е јака страна, го имате на располагање српскиот јазик. Со одбирање на јазикот, во левото горно поле ги пишувате состојките кои ги имате, а под истото поле ви се листаат бројни состојки кои обично можат да се најдат во секој дом – нив ги избирате така што ќе кликнете на нив. Откако сте задоволни со изборот кликнувате на зеленото копче во центарот од сајтот, по што добивате едeн куп рецепти за јадења кои можете да направите со тие состојки.
Со кликнување на некој рецепт, добивате кратки информации за количинската потреба на состојките, како и можност да добиете целосен увид до рецептот, заедно со потенцијални фото и видео инструкции.
Bon Appétit!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
