Како за споредба во 2000 година имало 720 милиони претплати, колку што има само во Кина сега. Огромниот раст е достигнат благодарение на новите пазари во Кина и Индија, велат од компанијата, додека во некои пазари поврзаните уреди, а не луѓето, го движат развојот.
Посебно значајна е проценката дека до 2015 година 3.4 милијарди луѓе ќе имаат брз интернет на својот мобилен, што е огромен раст споредено со 360 милиони од 2009 година. Според истражувањата 80 отсто од луѓето кои пристапуваат на интернет ќе го прават тоа од својот мобилен телефон.
„За некои е прашање на комоција, за други потреба. Моблните претплати им овозможуват на луѓето кои немаат пристап до банка или банкарска сметка да префрлат пари; на риболовците и фармерите да добијат брзи вести за временската прогноза, на селаните да добијат локална медицинска помош, и децата да добијат онлајн образование. Тоа ги овозможува дневното работење на малите бизниси и го движи економскиот раст.“ се вели во соопштението.
Од Ericsson прогнозираат дека до 2020 година ќе има над 50 милијарди поврзани уреди.
