Креирањето на сопствена компанија не е едноставно, ниту се случува преку ноќ. На основачите им се потребни куп информации, куп читање за да стигнат до одлини идеи, и еден куп учење од поискусните. Затоа стартапите често остануваат одвратени од замислата, без доволно самодоверба, како нивниот стартап да е невозможен.
Но, постои интернетот и сите кул сервиси што можат да ви помогнат. Токму тоа е идејата зад Startup Launch List. Ова е сервис на кој на едно место ќе може да се пронајдат дел од информациите кои се неопходни за луѓето кои ја започнуваат својата прва компанија. Станува збор за едноставен и корисен сервис со чија помош новите претприемачи ќе можат да се запознаат со предизвиците кои можеби и не можат да ги предвидат на почеток. Сервисот овозможува брзо пронаоѓање на корисни статии и податоци за различни предизвици со кој основачите ќе се соочат при креирање на стартап. (Tnx до Митко за линкот)
Текстовите се поделени во неколку осум области, а корисникот може да одбере една или повеќе од нив. Идеја, како да станете успешен основач, креирање на тимот, креирање на корисно искуство, креирање на продукт, заработка, креирање на препознатлив сервис и финансирање со помош на инвеститори се темите со кој секој, основач треба да се запознае пред да започне сопствен бизнис. Сервисот креира листи од одбраните теми и препорачува текстови кои би можеле да бидат корисни, а до текстовите се доаѓа буквално за неколку секунди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
