Run 5K е апликација креирана од српскиот програмер Александар Васиќ, која минатата недела се најде помеѓу најдобрите нови апликации на американскиот AppStore, јави Netokracija. Станува збор за фитнес апликација која ќе им помогне на сите кои имаат волја да ги истрчаат своите први 5 километри, преку програма која трае девет недели. Апликацијата беше одберена од тимот на Apple како „најдобра нова апликација“, што му даде чувство на г. Васиќ дека помогнал на некој и влијаел позитивно врз нечиј живот.
„Претходната верзија на апликацијата, која е објавена пред една година, без никаква реклама имаше 2.500 до 3.000 преземања неделно. Во моментов има 40.000 корисници, вчера за помалку од половина час, верзијата 4.0 е преземена 2.400 пати, откако Apple ја постави на best new app листата. Во моментов апликацијата има оцена 4/5, а што се однесува до коментарите на корисниците и тие се позитивни, токму заради ова и го работам ова, бидејќи убаво е чувството кога знаеш дека си му помогнал на некој или си влијаел на подобрување на неговото здравје“, вели креаторот Васиќ.
Апликацијата овозможува интервали кои корисникот ги поминува во трчање и одење се до посакуваните 5 километри. Како и другите слични апликации и Run 5K ги мери интервалите и го известува корисникот за истрачни 500m или километар. За разлика од конкурентните апликации, Run 5K го известува корисникот и колку време за трчање преостанува. Креаторот на Run 5K е присутен на App Store од почетоците преку студиото Radiant Tap, досега има неколку апликации како Banca и Unitica кои ги гонвертираат валутите. Run 5K е во развој веќе три години, а пресврт во апликацијата е GPS енџинот за следење кој е дело на г. Васиќ.
За иднина се предвидува подобра интеграција со iPhone 5S и iPhone 6 и М7 односно M8 сензорот, како и поdдршка за Apple Watch. Во моментов Run 5K е фремиум, односно бесплатна e за првите две недели, а за понатамошно користење се плаќа 5 долари.
[youtube]loqm05ABE8Q[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
