Група лондонски активисти за онлајн приватност со име Stop the Cyborgs вели дека уредите со проширена реалност, како Google Glass, ќе креираат свет во кој приватноста нема да биде можна. Групата веќе направи постери со кои ги предупредува луѓето за наводните опасности од носење на наочарите на Google, пишува BBC. Групата има изработено и постери за локалните бизниси кои сакаат да ги забранат наочарите.
„Ние не сакаме да ги забраниме комплетно уредите. Туку сакаме луѓето активно да постават физички граници околу користењето на технологиите, а не само фатално да го прифатат патот по кој не води технологијата.“, велат активистите.
Нивната борба против Google Glass започна откако Google побара од корисниците на Twitter да смислат креативни начини како ќе ги користат Google Glass. На најкреативните идеи Google ќе им даде можност да го добијат првиот комерцијален прототип од наочарите.
Google oдговори на критики, велејќи дека се „размислувавме многу на дизајнот на Glass бидејќи новите технологии секогаш отвараат важни прашања во општеството“.
[youtube]v1uyQZNg2vE[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
"општествотот"