Space X испрати во орбита сателит тежок 7.076 килограми. Ова е досега најтешкиот сателит испратен во вселената.
Ова е само втора мисија на „Block 5“ Falcon 9 ракетата, но досега и двете мисии се успешни. Сателитот Telstar 18 Vantage е во сопственост на канадски провајдер. Во следните 15 години со сателитот ќе се обезбеди Wi-Fi пристап во авионските летови над САД.
Иако ова е второ полетување на ракетата, а следниот тест е најавен веќе за среда, засега нема најави за повторени летања на Block 5 моделот. Пред да започне повторна употреба на ракетата, сепак ќе има уште многу први летови.
„Ќе бидеме внимателни кога ќе ја расклопуваме оваа ракета за да потврдиме дека нашите претпоставки при дизајнирањето се точни. Дека навистина ќе може да ја користиме повторно без да ја расклопуваме…
Иронично, но ќе треба да ја расклопиме за да потврдиме дека нема да има потреба да се расклопува“, вели Илон Маск.
Ракетата успешно слета на бродот-платформа „Of Course I Still Love You“, во Атлантскиот океан, пренесе CNET.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
