Artweaver е алатка која ќе ви се допадне поради три работи. Дозволува да создавате уметнички слики од ништо, како и да уредувате или подобрувате фотографии. Преку едноставен интерфејс, имате на располагање најразлични четки за создавање уметнички дела. Во случај да на едно дело работат повеќе лица, лесно може да се вклучат повеќе уметници. Работата автоматски се синхронизира.
Наспроти комерцијалната верзија, Artweaver Free е замислена само за академски, односно некомерцијални цели. Исто така, некои функции, како одредени четки и можност за меѓусебна соработка, не се достапни во бесплатната верзија.
Најновата седма верзија на бесплатната алатка се подновува со magic wand, clone stamp, но и подобрени можности за користење четка и активирање најразлични прилагодувања. Паралелно со ова, Artweaver Free конечно поддржува Windows Ink Pen, а и побрзо ги презема и имплементира надополнувањата.
Како што е случајот со вакви бесплатни софтверски решенија, потребна е одредена доза внимателност при исталирање. Пакетот од петни жили се труди да ви наметне инсталирање на дополнителни алатки. Погрижете се да го одбиете таквото нешто.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
