Имате голема колекција од фотографии и уште поголема желба константно да им ги сервирате на најблиските? Веќе кога ги мачите, мачете ги со стил и наместо стерилно листање на фотографиите пуштете им слајдшоу со интересни ефекти.
Photostage Slideshow Software Free е корисна апликација со која можете да ги трансформирате фотографиите во релативно импресивно слајдшоу. Можете да наместите најразлично зумирање, превртување, или преливање од една во друга фотографија, како и да вметнете наслови, музика, па дури и нарација.
Креираните ремек дела потоа можете да ги префрлите во видео форма, да ги изрежате на DVD, или да ги поставите на YouTube, односно Vimeo. Создадениот слајдшоу можете и да го поставите на некој од најпознатите сервиси за складирање на облак, па од тука да го споделите со контактите.
Процедурате е крајно едноставна и се започнува со фаќање и пуштање фотографии во самиот интерфејс од програмот. Од тука, ги префрлувате на временската линија и започнувате со средувањето.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
