Смислување уникатни лозинки кои се тешки за погодување од други лица знае да биде вистински предизвик. Dalenryder Password Generator е бесплатна апликација која се одликува со неколку безбедносни алатки. На располагање имате алатка за брзо создавање лозинки, нивно складирање во сеф, квалитетна алатка за шифрирање на чувствителни податоци, но и корисен генератор на PIN-ови и кориснички имиња.
Во поглед на создавање лозинки, Dalenryder Password Generator може да понуди непресушни предлози со големина од 4 до 30 карактери. Како пријатен додаток е таканаречениот Trash Account модул кој создава лажни кориснички податоци, како име, презиме, корисничко име, привремена адреса, роденден и лозинка, буквално сè што ви е потребно за да создадете акаунт на некој сајт каде не сакате да оставате вистински податоци.
My Password алатката, пак, ви поставува неколку прашања и, во зависност од вашите одговори, нуди уникатни фрази како можни лозинки кои дополнително треба да ги искомплицирате со вметнување бројки или симболи. Во случај да имате некоја кратка фраза, PlusPassword алатката автоматски да ја искористи за да понуди комплексна лозинка каде саканата фраза е проширена со дополнителни броеви, големи и мали букви, и симболи.
Најновата, петта верзија на Dalenryder Password Generator може да се пофали со неколку подобрувања. Имено, Password Lab сега ги памети сите ваши прилагодувања, а Password Safe доаѓа со значителни измени во интерфејсот. На располагање имате и нова лента за пребарување, како и дополнителни опции за полесно пронаоѓање податоци.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Андреј има феноменален текст преку кој ве запознава со најразлични софтвери за лозинки. Во меѓувреме, креирајте јаки лозинки со SPNE, или со Dalenryder Password Generator. […]