Популарноста на Minecraft е повеќе од очигледна и многу фанови на играта бараат начини да имплементираат елементи од неа и со украсување на десктоп површината. Еден таков проект е WallCraft – веб сајт кој ви дозволува да искористите икони и дизајни од Minecraft за да создадете визуелно впечатливи шаблони кои подоцна ги користите за создавање позадини, банери и слични креативни проекти.
Со посетување на Wallcraft избирате на кој начин да се прикажуваат иконите и дизајните од Minecraft. На располагање имате бројни елементи кои се вметнуваат во позадината со само еден клик. Со оглед на огромната бројка, имате на располагање и енџин за пребарување. Откако ќе создадете некоја позадина, избирате во која резулуција да се преземе. Доколку не сте сигурни за резолуцијата, од паѓачкото мени одбирате форматот на позадината за која направа да е идеален. Со кликнување на Save Pattern, позадината се презема и лесно можете да ја наместите за вашата направа.
Во случај да не сакате вие да креирате, на располагање имате бројни претходно осмислени шеми од креаторите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
