Нова конзола помоќна од сегашниот PlayStation 4 наскоро ќе им биде достапнa на купувачите. PlayStation 4 Pro е новата „high end“ конзола на Sony, а во продажба ќе биде достапна од 10 ноември.
Новиот модел ќе се продава за цена од околу 400 долари, тоа е повеќе од сегашната верзија, но далеку подостапно од гејминг компјутер со слични перформанси. Конзолата доаѓа со нов подобар процесор, подобар графички процесор и поголем хард-диск. Најголема надградба е направена на графичката единица која сега е речиси двапати помоќна.
Конзолата е подготвена за 4К-гејминг, HDR и виртуелна реалност. PlayStaion4 Pro доаѓа месец по сетот за виртуелна реалност кој ќе биде достапен од 13 октомври. Токму виртуелната реалност е единствена причина поради која корисниците би можеле да сакаат да ја променат конзолата; HDR по надградбата на софтверот ќе биде достапна и на сегашните модели, а за 4К-гејминг е потребен телевизор кој чини илјадници долари. Sony ветува дека новите конзоли ќе овозможат значително подобро искуство во виртуеланта реалност.
Sony ќе издаде и Slim верзија на сегашната конзола која ќе чини 300 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
