Sony го претстави својот најнов паметен телефон, Xperia Pro. Станува збор за 5G уред коj е еден од ретките телефони кои доаѓа со HDMI влез.
Телефонот несомнено е наменет за публика која е фокусирана на фотографија или видео содржина, која може да го користи телефонот како дополнителен екран. Она што не е сосем очекувано, е дека телефонот на Sony со цената од 2500 долари ќе направи и најскапите телефони да изгледаат дека се со разумна цена.
Новата Xperia Pro сепак не е само скап додаток за камера. Телефонот може да снима 4К видео со 60fps, може да забави видео на 120fps. Камерата на телефонот е тројна, 16mm ултра широка, 24 mm широка и 70 mm телефото леќа. Сите камери се 12 МР.
Веројатно очекувате солиден хардвер, и за среќа во право сте. Екранот е 6,5-инчен 4К HDR OLED со 3840 x 1644 резолуција. Xperia Pro е целосно заштитен од прашина, и е водоотпорен до длабочина од 1,5 метри во време од 30 минути. Екранот е заштитен со Gorilla Glass 6.0.
Остатокот од хардверот е нешто што би очекувале на телефон кој чини 2500 долари. Процесорот е Snapdragon 865; 12GB RAM; диск 512GB. Телефонот поддржува microSD картички до 1ТB.Капацитетот на батеријата е 4000mAh. Оперативниот систем е прилагоден Android 10.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
