Vizzywig 4К e нова iOS апликација на i4software со екстравагантна цена од 1.000 долари. Тоа што го нуди е можност да снимите 4K видео, или Ultra HD видео со резолуција поголема од 4.000 пиксели, со вашиот iPhone 5S. Покрај можноста за снимање, апликацијата нуди и можност за едитирање на снимката, додавање на музика во позадина и дистрибуција на клиповите директно на YouTube.
Во случај да имате 1.000 долари за апликацијата, ќе треба да имате iOS 7 и iPhone 5S. Но, ако го немате најновиот модел на iPhone, тогаш можеби е подобро да ги сочувате парите и да купите iPhone 6 или iPhone 6 Plus, и да почеката за алтернативна апликација. Ultra HD видеото се уште е новина, па апликацијата на Vizzywig со право е „eдинствената ваква апликација во App Store“ која може да сними видео со 3840×2160 резолуција со 24 фрејмови во секунда. Всушност, и со таа цена, мобилната апликација е далеку поевтина од 4K камерите кои чинат неколку илјадници долари. Но, iPhone очигледно има можност да снима 4K видео, па прашање на време е кога App Store ќе биде преплавен со вакви апликации.
На YouTube може да видите како изгледаат видеа снимени со разни 4K камери (ќе треба да си ја наместите резолуцијата):
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Challenger 
