Се сеќавате колку грееше капчето кое го сплете баба, или колку топло држат плетените чорапи додека одите по ладните плочки? Pletenki.com е нов сајт кој сака да ја врати носталгијата и секако потопли зими, нудејќи рачно изработени продукти по ниска цена.
„Сакав да понудам домашен квалитет на пазарот кој ќе се истакне со својата уникатна убавина. Се одлучив за рачно изработени производи. Со сајтот се обидовме да бидеме поблиску до сите кои се заинтересирани, а со тоа и да ги информираме за се што е ново и се случува со Плетенки.”, вели Наташа Кировска.
Наташа вели дека Плетенки предизвика поттик кај корисниците да понудат и своја идеја, па тоа резултираше во „custom” изработени производи. За сега има интерес и сајтот успеа да продаде десетина продукти. Но, најголем проблем на овој нов сајт, стартуван само пред две недели, е испораката која оди преку пошта. Испораката до дома е 100 денари, па тој трошок мора да се усогласи со цената на продуктот да не биде превисока.
Сепак, се гледа позитивно на работите. Целта на сајтот е да го оформат брендот, да го зголемат асортиманот на производи и секако да се обидат да го прошират бизнисот првин во балканските земји, потоа и понатаму.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Само напред! Одлично е! 100 ден плус не е страшно ако ти го донесат пред врата. Толку ќе те чини паркинг ако треба да појдеш до центар на СК да го купиш. Мора да ги менуваме малку навиките и математиките :))
Супер идеја многу ми се допаѓа !!!
Супер изглед на страната, едноставен но доволен за намената.
Секоја чест и добар пазар ;)