Henri e хардвер кој овозможува едноставно внесување на команди за активирање на звучни и светлосни сигнали, без потреба од претходно предзнаење за програмирање. Уредот доаѓа од британската компанија Method, и е едноставен за користење. Се што треба корисникот да направи, е преку едноставен интерфејс да креира функции за звучни или светлосни сигнали со кои уредите ќе можат да ви пренесат порака.
Henry доаѓа со Arduino плочка, сет LED-диоди и звучник; а контролите пак се внесуваат преку два конторолни панели. Командите се всушност подолги или покуси светење на диодите, звучниот сигнал, или шема на вклучување и исклучување на диодите. Кутијата се поврзува на десктоп интерфејс каде Arduino може да го зачува комбинациите, или се приклучува на синитзајзер апликација која испраќа звуци до плочката. За сега ова е само дел од можната примена на Henri, а тимот на Method најавува дека уредот ќе биде пригоден и за повеќе други примени.
„Може да го користите контролерот за фино нагодување на брзината на анимацијата на екрaнот. Да речеме дека имаате анимација на зајдисонце и сонцето се спушта. Вообичаено се користи софтвер со тајмлајн, но далеку поприродно е да се заврти копчето“ вели Даниел Накамули од Method, за Wired.
Со оглед на се поголемиот развој за уреди поврзани на интернет, таканаречениот „Интернет на нештата“, Henri и слични помошни алатки ќе бидат добредојдени за помалите компании и стартапи за кои поедноставното завршување на проектите може да биде од исклучителна важност.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
