Backwards-Compatible e веб сајт преку кој прелистувате низ датабаза од 577 игри за да откриете кои PS4 игри се компатибилни со најновата конзола на Sony, но и за да добиете увид во најразлични оптимизации.
Покрај солиден пребарувач, на располагање имате и категории за игри со:
- Најдобри перформанси на PS5
- 60 фрејмови во секунда
- Поддршка за 4К резолуција
- HDR
- Sony ексклузиви
- Поддршка за VR
- Графички проблеми
Преку брзиот приказ, сите игри се редат во форма на карти кои, покрај сликата, кажуваат и на која од горните категории припаѓаат. Доколку кликнете на некоја игра, добивате значително повеќе податоци, како во која резолуција е играта кога се игра преку одредена конзола и со колку фрејмови во секунда. Долниот простор е резервиран за оставање релевантни коментари од посетителите.
Во моментот, сајтот покрива „само“ 577 игри, но целта е преку постојани надополнувања да успејат да ги покријат сите 3125 игри кои се достапни во каталогот на PS4.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
