Виктор Нелепа е основач и директор на компанијата The Idea во Дубаи. Тој во 2004 години се пресели од Македонија во Дубаи, а последните неколку години неговата иновација – паметните палми им помагаат на жителите на Дубаи да се справат со врелите денови. Приказната за Виктор и паметните палми првично ја забележавме на Vrabotuvanje.com.mk.
Smart-Palm е всушност еден вид на паметен билборд, што доаѓа со: Wi-Fi хот-спот; можност за USB полнење на преносните уреди; но и клупа и можност за одмор под сенка. Палмата се напојува преку соларни панели и е потполно независна од јавната електрична мрежа. За поголема безбедност палмите доаѓаат со CCTV-камера и копче за итни потреби.
„Во минатото дрвата обезбедуваа засолниште, храна, матиријал за градење. Сакавме да создадеме нешто ново и модерно, но истовремено да не заборавиме од каде доаѓаме, каде ни се кориените. Да ја поврземе природата со технологијата…“, објаснува Виктор Нелепа.
Билбордите овозможуваат презентирање на податоци од јавен интерес и се своевиден инфо пулт за туристите во Дубаи. Антената овозможува интернет пристап во радиус од 100 метри, а на самата палма има 8 USB приклучоци. Дополнително палмите доаѓаат со „селфи“ камера со која луѓето можат да се фотографираат.
Компанијата на г.Нелепа работи и на креирање на паметна кабина за пресоблекување на плажи. Палмата, и кабината се напојуваат со сончева енергија, а планот е на соблекувалните да се додаде ветрогенератор со кој ќе може да се осветли водата.
Smart Palm е дел од Dubai Smart City иницијативата, со која Дубаи треба да биде еден од првите поврзани градови во светот.
Не е Силициумска долина, туку Силиконска долина