Слико збор e македонска Android апликација која ја изработи 15-годишниот Даријан Шеќеров.
Апликацијата е потполно бесплатна и пред сè е наменета за децата со поинаков развој, на пример аутизам. Токму ова е инспирацијата на Даријан, кој прв пат со оваа состојба се сретнал преку пријател на своите родители. Со апликацијата Даријан веќе е добитник на Светската награда за млади претприемачи.
Апликацијата треба да им помогне на овие деца полесно да комуницираат. Начинот на функционирање е едноставен. Секоја од сликите е поврзана со некоја активност и со аудио. Така со притискање на сликата, со боење се активира и звукот „сакам да бојам“. Целта на апликацијата е да им помоген на овие деца да остварат поедноставна комуникација.
Апликацијата има помеѓу 5.000 и 10.000 преземања, но со оглед на тоа дека целната група е малечка, бројот на преземања не е клучен податок. Во јануари е направена последната надградба на Слико-збор, кога е додадена и темата за семејство.
