Скриените страни од пребарувањето се појавија на Hidden from Google

во Веб, ИТ.ЕУ

Hidden from Google е нов сајт кој всушност е своевидна листа на линкови, кои Google, на барање на граѓаните на Европа мора да ги отстрани од прикажаните резултати, јави BBC. Страната веднаш доби свои поддржувачи, пред се, во луѓето кои протестираа дека одлуката на Eвропскиот суд е одлука против слободата на говорот. Судот му нареди на Google да ја почитува приватноста на корисниците така што, по нивно барање, ќе ги тргне линковите до содржина која ја нарушува приватноста и кои не се релевантни веќе.

„Постои информациски јаз и доколку може да ги верификувате примерите, може да креирате листа“, вели Афак Тарик, девелоперот кој ја постави страната. На Hidden from Google се поставуваат единствено линкови кои потврдено се цензурирани насекаде во Европа. Содржините кои ги прикажува пред се доаѓаат од корисниците, но доколку се покаже дека линкот не е цензуриран насекаде во Европа тогаш г. Тарик го отстранува.

Како последица на поставувањето на линковите, дел од нив сега се појавуваат во пребарувањата. Во споделените содржини на Hidden from Google е цензурираната страна на Guardian за Post-it во Париз, сторијата за злоупотреба на деца во Португалија на ВВС или сторијата на Spiegel за Сциентолошката Црква во Германија.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk