Најдобрите идеи и проекти доаѓаат од решавање на некоj проблем со коj девелоперот се среќава во развојот. Токму ова е случај и со Sizzy, платформа развиена од Кристијан Ристовски.
Sizzy е креирана да овозможи тест и преглед на различни големини на апликација, при креирање на веб-страници и веб-апликации со респонзивен дизајн. За тестирање и разгледување на тоа како ќе изгледаат и најмалите промени на куп уреди најчесто се троши многу време. Sizzy е алатка која овозможува побрза работа, преку истовремена презентација на повеќе екрани.
„Веќе користев react-storybook за да сменам помеѓу сите варијации на компонентите. Сепак морав да менувам помеѓу 12 различни уреди за да видам како овие промени ќе изгледаат на секој од нив. Вака започна сè“, вели г. Ристовски во пост на Medium.
Платформата започна како додаток за React, но алатката се покажа многу корисна, па Марјан, се реши да ја направи веб-апликација, а веќе направениот Storybook-плагин да остане додаток.
I started working on this because I got tired of switching between different devices in chrome.
Anyone wants to help? 😉 pic.twitter.com/8dMNXRt2as
— Kitze (@thekitze) April 27, 2017
Алатката овозможува филтрирање по оперативен систем, iOS или Android и филтрирање по уред, телефон или таблет. Користењето на Sizzy за проценка на веб-страница е едноставно. Треба единствено да се внесе веб-адресата и веднаш се покажува изгледот на куп уреди. Девелоперот може тука да направи промени со филтрите и да вклучи или исклучи некој од уредите.
https://www.youtube.com/watch?v=KTo71Tqlwy8&list=PLeRG3Z4BGWXR1yE8176LxtAj0Xyb_VI7L
Кодот на Sizzy е достапен на Github, а целиот процес на креирање на платформата многу подетално може да го разгледате на YouTube каналот.
