Sintopia e амбициозен проект кој комбинира елементи од менаџмент симулација, градежна стратегија и God game. Сето тоа е внимателно спакувано во уникатна естетика инспирирана од поп-културата на 1980-тите. Во Sintopia, вие не сте херој; на вас не е да се спаси светот. Вашата улога е далеку покомплексна, а, со самото тоа, и позабавна – вие сте администратор на пеколот. А вашата задача е да го изградите пеколниот бизнис од соништата.
Во чедото на , имате за задача да управувате со бирократската машина на пеколот. Вашата задача е да ги надгледувате вашите вработени. Наречени Imployees, вработените се задолжени за казнување на душите на починатите за нивните гревови. Секоја казна е можност за профит, кој потоа го користите за да ја изградите и проширите вашата пеколна империја. Играта успешно ја спојува сатиричната идеја за корпоративен менаџмент со мрачната тема на подземниот свет, создавајќи искуство кое е истовремено длабоко и хумористично.
Бирократски пекол
Како управител на пеколот, добивате пристап до широк спектар на алатки и моќи. Една од клучните карактеристики е можноста да користите административна магија за да влијаете врз светот на живите, населен со суштества наречени Humus. Ако некој од нив стане премногу грешен или едноставно ве иритира со своето бавно одење, можете да употребите магии како zap за да го „правилно мотивирате“. Ако тоа не успее, секогаш можете да му ја запалите куќата. Во пеколот, се е дозволено.
Покрај влијанието врз живите, голем дел од играта е посветен на градење и обликување на пештерите според вашите најмрачни желби. Иако постои и бирократска работа, како што доликува на секоја добра администрација, можете да вработите некој од вашите вработени да се грижи за тоа, оставајќи ви повеќе време за исполнување на вашите архитектонски фантазии.
Важен аспект е и превоспитувањето на душите. Мора да се погрижите тие ефикасно да се ослободат од своите гревови за да се избегне акумулација на корупција во светот. Премногу корупција може да доведе до демонска инвазија, што не само што е хаотично, туку и лошо влијае на вашата ефикасност и, најважно од сè, на профитот.
Развивачите на Sintopia одлучија да ја објават играта на 4-ти септември во фаза на ран пристап бидејќи, како што тие објаснуваат, свесни се за нејзината уникатност. Хибридниот жанр на менаџмент, градење и симулатор на божество не е нешто што се гледа често, па затоа сакаат да ја развиваат играта во соработка со заедницата. Планирано е играта да остане во оваа фаза околу осум месеци.
Кога играта ќе излезе, ќе можете да го искусите режимот Challenge, кој нуди рандомно генерирани мапи, цели и предизвици, со што се обезбедува поголема вредност за преигрување. Таквата верзија ќе вклучува 16 од планираните 28 градби, 4 магии и 3 различни модели кои овозможуваат прилагодување на искуството. Иако некои системи сè уште се во развој, основниот циклус на играње е целосно функционален и репрезентативен за финалниот производ.
Целосната верзија ќе се разликува значително. Главниот додаток ќе биде наративна кампања со однапред дефинирани мисии, како и целосно отворен sandbox режим за играчите кои сакаат слободно да градат и експериментираат. Покрај тоа, се планираат нови системи, како што е изменето однесување на девијантните Humus, како и повеќе градби, магии, мапи и животни патеки за ликовите.
Sintopia се позиционира како освежувачки и иновативен наслов во презаситениот пазар на симулациски игри. Со својата оригинална премиса, длабоки механички системи и уникатен визуелен стил, играта ветува дека ќе понуди десетици часови забава за љубителите на стратегии и менаџмент симулации. Иако ќе биде во развој, транспарентниот пристап на развивачите и јасната визија за иднината влеваат доверба дека Sintopia има потенцијал да стане вистински хит во својот жанр. Ако идејата да управувате со пеколна бирократија ви звучи привлечно, ова е игра на која дефинитивно треба да ѝ обрнете внимание.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
