Најголем број од нас ги користи услугите на Google без премногу размислување што ова значи за нашата приватност. Куповите податоци кои ги оставаме при пребарување, гледање видео на YouTube посети на страни со Google Chrome, можеби верувате дека немаат преголемо влијание на приватноста, се доколку не сте логирани на профилот.
Сепак најголем дел од нас има профил на Google, без разлика дали ни се потребни само за Docs, Youtube, Google Calendar, Google Play или барем Gmail. Ова и купот интернет колачиња ѝ овозможува на компанијата да има повеќе податоци за нас отколку што сме подготвени да споделиме. PC Advisor ги собра во една листа сите сервиси на Google каде може да ја разгледаде вашата историја на посети на дел од услугите кои ги нуди компанијата.
- https://www.google.com/history/ – овозможува да ги разгледате и да отстраните пребарувања кои сте ги направиле преку Google – единствено доколку сте логирани на вашиот профил.
- https://www.youtube.com/feed/history/search_history – слично како и претходната страна, но овој пат ви се презентираат пребарувањата на видео сервисот YouTube.
- https://www.youtube.com/feed/history – листа на видеа кои сте ги гледале на YouTube
- https://www.google.com/settings/dashboard – листа сервиси и услуги кои ги користите од Google
- http://www.google.com/settings/ads/ – веројатно најдобриот показател колку Google всушност знае за вас, тука може да видите и да проверите што Google смета дека ви се допаѓа, базирано на страните кои ги посетувате. Сепак доколку користите го користите личниот профил за пристап од работа, тогаш најверојатно ќе си заличите на „манијак во професијата“.
- https://tools.google.com/dlpage/gaoptout – доколку се чувствувате непријатно поради количината на податоци кои ја има Google за вас, ова е најверојанто најкорисниот линк кој овозможува да излезете од Google Analytics програмата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
