Што може да се случи ако налутите програмер

Безбедносен девелопер налутен од спам пораките кои ги добил од измамници креираше скрипта која ги повикува 28 пати во секунда.

Проблемите со телефонските измамници во САД се големи, па властите во САД ги предупредија граѓаните за робо-пораките. Измамата ги напаѓа повозрасните граѓани, кои често не се сомневаат во повиците од даночнатра служба (IRS). Измамата е едноставна, во телефонскиот повик, лажните агенти им велат на граѓаните дека има проблеми со данокот и дека треба да доплатат. Овие пари секако не се на сметката на IRS, туку на сметките на измамниците.

Кога го повикаа безбедносниот експерт „ProjectMayhem“, започнаа и проблемите на измамниците. Скриптата ги повикува 28 пати во секунда и сосем ги преплавува телефонските линии, а со тоа и ја уништува целата операција на измамниците. Интересен е и одговорот на измамниците на кои на почеток им е забавно, но наскоро започнува фрустрацијата, откако сфаќаат дека програмерот нема да се откаже.